Hulyo 06,2021 — Ang Department of Social Welfare and Development (DSWD) kauban ang Department of Labor and Employment (DOLE) nagturn-over og livelihood assistance nga nagkantidad og P30,000 alang sa benepisaryo sa Balik Probinsya Program (BP2) nga si Nathaniel Gamol nga taga San Nicolas, Panabo City. Nauna nang gihatag kaniya ang P45,000 gikan sa DSWD ug food assistance gikan LGU panabo adtong Mayo 4,2021.

Mapasalaton si Gamol sa iyang nadawat nga livelihood assistance diin iya daw kining gamiton sa pagpalambo sa ilang sari-sari store. Ingon pa niya, “Dili gyud namo ni sayangon nga opportunity ug amo pa kining palamboon.”

Tumong sa programa ang makahatag og kaayohan ug kahapsay pinaagi sa paghatag og tabang ug panginabuhian alang sa mga katawhang gusto na mobalik ug permanente ng mopuyo sa ilang probinsya.

Nagsaysay og pagpasalamat si City Administrator Pedrito A.Misoles alang sa mga national agencies nga nagasuporta sa Balik Probinsya Program. Dungag pa niya, “Naghinaot mi nga itarong nila (benepisaryo) og pagdala ang ilang mga nadawat nga mga benepisyo ug makatabang kini og sustinar sa mga kinahanglanon sa ilang pamilya.”

Ang BP2 usa ka programa sa National Government ilalom sa Executive Order No. 114 o ang “Institutionalizing the balik probinsya, bagong pag-asa program as a pillar of balanced reional development, creating a council therefore, and for other purposes.”

Alang sa mga gusto makabenepisyo sa BP2, mamamahimong mobisita sa balikprobinsya.ph o bisitaha ang Balik Probinsya, Bagong Pag-asa Program facebook page.

Atol sa kalihokan anaa sila Prime Edison Cruz sa DOLE, Lee Mecris Berdos sa DSWD, Nasuha Bautista CSWDO, Glory Grace Rosario sa PESO Panabo ug Roger Saygo sa City Tourism Office. Gisubay usab ang Health Protocols alang sa paglikay sa COVID-19.

| Sonny L. Calizar, CIO – PIRO
📸 | Aljun A. Castilla