Gisugdan na ang Task Force Kanal sa LGU Panabo isip tabang kontra baha, dengue, ug uban pang mga sakit nga makuha sa mga hugaw nga tubig. Inisyatibo kini ni City Mayor Jose E. Relampagos tungod sa nakitang mga kahugaw sa mga kanal.

Ang TF Kanal mo tuyok sa tibook Barangay aron matabangan ang mga residente sa paghinlo og kahapsay sa ilang nataran nga anaay mga kanal.

Nagpahinumdom si Mayor Relampagos pinaagi kay Executive Assistant III Jo-Anne Capuyan nga maskin naa nay mga molimpyo sa kanal, kinahanglan nga magpartisipar gihapon ang mga residente sa panlimyo. “Usa ni ka programa sa atong Mayor nga nag awhag sa katawhan nga mag koopera aron iwas ta sa baha og dengue,” matod pa ni Capuyan.

Sa kasamtangan, Barangay Gredu ang ginahinloan sa TF Kanal og pagasundan sa uban pang Barangay.

Gen Alforque – CIO/PIRO
📸 – Maychelle Gentiles