Tigdas sa Panabo dili makahadlok pero immunisation gi awhag, CHO
Report gikan sa City Health Office (CHO) nga ang lungsod sa Panabo walay epidemya sa Tigdas (Measles) karong tuiga kompara sa laing probinsya. Bisan pa niana, padayon ang vaccination ug survey sa CHO kada barangay.
Dungag nila, ubay-ubay sa mga ginikanan adtong school-based immunization ni aging tuig ang nibalibad tungod sa isyu sa Dengvaxia. Gusto ipaabot gihapon sa CHO nga dili dapat sila ma alarma kay sigurado ang ilahang kinabuhi sa libreng vaccine batok sa tigdas.
“Magpadayon gihapon mi ug survey sa mga kabalayan ug sa mga pamilya bahin ani aron masiguro nga luwas sila ug dili ma alarma. Ug ang kadtong mga nibalibad na mga ginikanan last year na school-based immunization, balikon ra gihapon to namo aron ma check ang kahimtang sa pamilya,” Cheri Lendio, RN.
Awhag sad ni Mayor James G Gamao nga atimanon ang kalawasan sa atong mga katawhan labi na sa mga kabatan-onan. Lakip niini ang pagtoo sa tambag sa City Health Office na gi pangulohan ni Dr. Algae Rose Hechanova nga mamahimong dungag sa kahibalo bahin sa maong sakit.
Sa katibok-an sa nasud, nisaka sa 547% karong tuiga ang kaso sa tigdas labi na sa NCR ug ubang probinsya sa Luzon. Sintomas niini ang kalintura na naay rashes, pag pula sa mata, ubo ug sipon, sakit sa lawas, kaluyahon, ug walay gana mokaon.
Ingon pa ang Department of Health, ang tigdas makatakod ug makapatay.
Bisitahi ang pinakadool nga health center or sa City Health Office para sa vaccination.
(INFORMATION OFFICE)