Hulyo 12, 2024 — Subay sa selebrasyon sa ika-75th Araw ng Barangay New Visayas nagpahigayon og “Trabaho,Negosyo, Kabuhayan” Fair ang Davao del Norte State College (DNSC) uban sa koordinasyon sa City Government sa Panabo pinaagi sa Public Employment Service Office (PESO) kauban usab ang DOLE, DTI, DFA ug OWWA nga adunay temang: ” Promoting High Quality Jobs and Entrepreneurship “. nga gipahitabo sa Davao del Norte State College Gymnasium.
Sama sa giplano sa titulo sa programa, ang Trabaho nagtumong sa pagtabang sa pagpares sa mga nangitag trabaho sa mga amo nga gikonsiderar ang ilang mga kahanas ug reperensiya sa trabahoan. Target sa Negosyo ug Kabuhayan nga isilsil ang mga estratehikong kahanas sa panginabuhi sa mga partisipante pinaagi sa pagpahigayon og livelihood demos. Busa, ang pagpagaan sa gidaghanon sa mga Pilipino nga walay trabaho nga positibong makatampo sa paghupay sa pangkalibutanong isyu sa taas nga rate sa walay trabaho.
“Karon nagtigom kita og mga lehitimong ahensya aron matabangan (mga aplikante) nga mapauswag ang kalidad sa kinabuhi pinaagi sa paghatag trabaho ug panginabuhian,” ingon ni Executive Assistant Josie Mary E. Relampagos nga isip representante ni City Mayor Jose E. Relampagos sa iyang mensahe.
Gipaabot usab ni Mayor Relampagos ang mensahe alang sa mga nangita og trabaho ug mga partisipante sa business fair nga, ang Lokal nga Panggamhanan ubos sa iyang pamunoan andam kanunay sa pagserbisyo sa mga Panaboan. Gihatagan niya og gibug-aton nga ang publiko kanunay nga welcome nga moduol kaniya o sa iyang mga kawani kung adunay mga kabalaka o panginahanglan nga iyang mahatag.
Ang mga nisalmot, nagsiguro sa pagdala sa ilang resume ug uban pang hinungdanon nga mga dokumento. Kini nga pagpangandam, nagpakita sa ilang propesyonalismo ug pagtagad sa detalye, nga naghimo sa usa ka positibo nga impresyon sa mga potensyal nga mga amo o mga stakeholder.
Ang pagbaton sa tanan nga gikinahanglan nga mga dokumento dili lamang makapadali sa hapsay nga mga diskusyon apan nagpakita usab sa ilang kaandam ug pasalig sa oportunidad nga anaa.
Si Yrl Grlzl L. Mandipol, 23-anyos nga Public Administration student maoy unang na-hired-on-the-spot (H.O.T.S.) atol sa maong kalihokan. Gidawat siya isip customer service sa Alorica Teleservices Inc. Davao City. Ang maong trabaho haom kaayo sa iyang personalidad ug kahanas.
Sa kinatibuk-an, adunay dose (12) ka nasyonal nga ahensya ang mipartisipar nga niapil sa job fair nga nagtimaan sa Social Security System, Pag-IBIG, Overseas Workers Welfare Administration, Department of Trade and Industry, Department of Foreign Affairs, Department of Labor and Employment, Peso Davo del Norte, LGU Panabo, Barangay New Visayas ug DNSC Alumni Affairs Office. Dugang pa, and duha (2) ka mga Overseas ug (14) nga kompanya ang nagbukas alang sa trabaho sa nahisgutang petsa.
Dugang pa, ang livelihood demos nga giagian sa mga partisipante mao ang Livelihood Training on Eyelash Extension, Livelihood Training on Perfume Making, Livelihood Training on Nail Art ug Liquid Laundry Detergent.
Anaa sa maong kalihokan ang College President na si Dr. Joy M. Sorrosa, Barangay Captain New Visayas Hon. Mark Eduard B. Peñas, Panabo PESO Manager Cherelle B. Espinosa, Provincial Head, DOLE Davao del Norte Erlinda G. Mamitag, mga aplikante ug uban pa.
A. Dagno
Christian Costañemo
#ServicetoPanaboansServicetoGod
Categorized in Featured