Menu

Gipahamtang ang Trabaho, Negosyo, Kabuhayan (TNK) atol sa selebrasyon sa 9th Binulig Festival subay sa temang “Pagpasalamat, Panaghiusa, Pagbarug Luyo sa Pandemiya. Panaboans, Duyog Ta!”. Gipahigayon kini pinaagi sa Public Employment Service Office Panabo adtong Oktubre 8, 2021.

Sa kalihokan gipahitabo ang Virtual Job Fair kung diin adunay lima (5) ka mga aplikante ang “Hired-on- the-Spot” sa Paramount Human Resource Multi Purpose Cooperative atol sa virtual job interview. Sa datos sa PESO Panabo adunay 250 ka mga aplikante ang ni-rehistro sa pre-registration link sa PESO Panabo Facebook Page.

Adunay napulo (10) ang mga nag-apil nga kompanya nga mo dawat sa mga aplikante nga ma hire sa virtual job interview:
1. 3ME Manpower Services
2. ACABAR Marketing International Inc.
3. ALFALINK Total Solutions Corp.
4. Gaisano Mall Tagum
5. NIMBL (Simply books Inc)
6.Paramount Human Resource Multi Purpose Cooperative
7. Siblings International Business Solutions
8. Sonic Sales & Distribution Inc.
9. VXI Davao
10. LGU Panabo

Gawas sa Virtual Job Fair, gipahamtang usab ang Livelihood Program sama sa Chorizo and Tocino making ug Bangus Deboning. Adunay katorse (14) ka mga partisipante ang misalmot sa Chorizo and Tocino making ug kinsi (15) ang mi partisipar sa Bangus Deboning.

Sumala pa sa usa ka partisipante nga si Reynalyn D. Callao, nga taga Barangay Sto. Niño, nakakat-on siya og mga pamaagi nga makatabang sa iyang pamilya sama sa pag siguro sa kalimpyo sa ilang makaon. Dugang pa niya, “Dakong tabang ang livelihood program akong na apilan nga pwede nakong ma negosyo aron maka dugang sa akong income.”

Gipa ilawom usab ang mga partisipante sa Livelihood Program og seminar sama sa Entrepreneurial Development ug Financial Literacy aron magiyahan sa tama nga pamaagi ug proseso sa pagnegosyo.

Atol sa kalihokan limitado lamang ang partisipante isip pagsunod sa IATF protocols aron maka likay sa pagkuyanap sa Covid-19.

|R. Dulla/CIO-PIRU
📸M. Gentiles/CIO-Multimedia

Categorized in Featured , News Release

Related Posts