September 26,2022–Gigawaran ang usa ka tricycle driver nga si Arsenio Andico Jr. og Honesty Award sa mismong opisina ni City Mayor Jose E. Relampagos pinaagi ni Executive Secretary Josie Mary G. Relampagos human niya gi-uli ang nakitang cellphone nga nahibilin sa lingkuran o passenger seat samtang kini namasahero.
Ani pa ni Andico nga sa pagkakita niya sa cellphone wala siya nagduha duha og kontak sa numero niini nga naa sa inbox ug iya dayon kining gitawagan aron i-uli ang dili iya na kabtangan. Matod pa niya, ”Isip usa ka drayber akoang i-uli ang gamit na dili akoa kay dakong sala kini ug kabalo ko nga naguol na ang tag iya.”
Tungod sa gipakita nga maayong binuhatan ni Arsenio, nakadawat siya og token, ug plaque isip usa ka honest panaboan nga gikan sa opisina ni City Mayor Relampagos.
Gina-awhag sa Lokal nga Panggamhanan kung adunay makita nga gamit, mamahimong magmatinud-anon sa kanunay.
