“ Dayon kining gi-schedule-an nga trabahuon niadtong unang semana sa Enero pero wala pa naimplementar tungod sa di maayong dagan sa panahon. Buot natong ipahibalo sa katawhan sa Panabo nga wala pa gidawat sa DPWH ang proyekto ug wa pa nabayran ang contractors sa maong kontrata. Sa karon, nag-mobilize na ang contractors sa maong dapit aron masugdan na dayon ang pag-repair. ”
Mao kini ang tubag sa DPWH XI pinaagi sa pakighinabi sa telepono sa One Mindanao – GMA Regional TV kay Information Officer Dean Ortiz mahitungod sa Road Construction Project sa Brgy. Kasilak, Panabo City kagahapon, Enero 19, 2023.
Ang maong proyekto ginareklamo ni City Mayor Jose E. Relampagos ug ginabatikos sa mga lumulopyo didto ug sa mga lumalabay sa maong kalsada tungod kay kuno mao pa’y paghuman, anaa nay parte nga naguba.
Saksihi ang dugang balita sa Frontline News Panabo City: https://fb.watch/i9Wf9fzbre/
🖋 by: Erick Etis | 🎨 Quinn Villahermosa | 📸 (Screenshot) PIA Davao Region Facebook page
