Usa ang AO Floirendo National High School sa mga nag-abri sa unang adlaw sa progressive limited face-to-face (F2F) classes alang sa mga Grade 12 senior high school students sa Barangay AO Floirendo, Panabo City diin 53 ka mga estudyante ang nisalmot sa first batch gawas sa 172 ang na-enrol sa kursong Technical Vocational and Livelihood Track adtong Abril 25, 2022.

Gitanyag kanila ang upat (4) ka mga programa ubos sa TVL nga mao ang Home Economics, Agri-Fishery Arts AP ug AI, Agri-Fishery Arts OAP ug LIM, ug Information & Communication Technology. Gi-rekomenda na mag-abri ang maong programa tungod kay usa ni nga higayon na gamiton sa mga estudyante ang ilahang mga kaugalingong hanas base sa ilahang napili.

Adunay giandam nga programa ang tulonghaan isip opisyal na pag-abri sa klase apil na ang paghatag og health kits ug pag-ila sa mga WATCH Awardees.

Sumala ni SDS Reynante Solitario sa iyang mensahe alang sa mga kabataan, “We never stop learning. Dili ta kapoyon magtuon kay importante ni para sa atong kalamboan.”

Mapasalamaton usab si School Principal Marivene P. Espinosa sa padayong suporta sa komunidad ilabina ang DepEd Panabo, LGU, barangay officials, AOFNHS-PTA, apil ang TADECO sa pakiglambigit kanila paagi sa mga transportasyon ug mga sponsorship.

l M. Lagura
Photos: E. Pan