Pebrero 10, 2021 — Malipayong gisaulog ang unang anibersaryo sa P2 Small Farmer’s Association (PSFA) kung asa nag-display og sari-saring gulay ang mga mangunguma arong mapakita ang malambo-on nilang ani.

Gipangunahan kini ni PSFA President Emily V. Egagamao kauban ang uban pang mangunguma nga miyembro ni ining asosasyon sa Barangay Sta. Cruz.

Subay sa pagselebrar, gipasalamatan ni Egagamao ang Lokal nga Panggamhanan sa Panabo, apil ang City Agriculture’s Office ug uban pang sponsors sa pagsuporta ug pagpundo sa ilang kinahanglanon.

Ang P2 Small Farmer’s Association (PSFA) usa ka asosasyon nga gisuportahan sa City Agricuture’s Office alang sa mga mangungumang nag puyo sa Barangay Sta. Cruz. Tumong sa asosasyon nga masuportahan ang mga gagmayng mangunguma na mapalambo pa ang ilang ani gikan sa ilang pananom ug mga giatimang sapat.

|Sonny L. Calizar, CIO-PIRO
📸|Aljun Castilla and MCG