Pinaagi sa inisyatibo ni City Mayor Jose E.Relampagos, nakapalit na ang siyudad og Mobile Diagnostic alang sa XRAY, ECG, Ultrasound, ug Generator Set nga mikabat og P9 Million gamit ang Bayanihan to Heal as One Act. Ilalom ang maong serbisyo sa City Health Office.

Matod pa ni Acting City Health Officer Dr. Eranie Pangilinan, ang Mobile Diagnostic ang pinaka-una sa tibook Southern Mindanao nga gipanagiyahan sa usa ka LGU. “Plano sa CHO nga gamiton ni siya sa mga barangay og adunay health programs para kanila,” dugang niya. “Ebutang gyud ni sa City Health aron magamit sa mga possibleng nanginahanglan.”

Si Rev. Fr. John Kristoffer Nalam ang nanguna sa blessing activity sa Mobile Diagnostic kauban si City Mayor Jose E.Relampagos, City General Services Officer Madera Bautista, Acting City Health Officer Doc Eranie Pangilinan, City HRMO Henry Esparagoza, City Budget Officer Joven Sepe, City Agriculturist Samuel Anay, City Legal Officer Atty. Chervin Paculanang, Executive Secretary Josie Mary Relampagos, ug Executive Assistant III Jo-anne Relampagos-Capuyan.

Laoman nga ang operations sa mobile diagnostic magsugod pipila ka adlaw gikan karon.

|Genevieve Rose Alforque, CIO-PIRO
📸|Ivory Dawn Balogbog