Pinaagi sa City Housing Section ilawom sa buhatan sa opisina ni City Mayor Jose E. Relampagos nakapahigayon ang mga Home Owners Association sa Urban Solidarity Week 2022 nga dunay tema nga “Pinag- ibayong Serbisyo Tungo sa Pagbangon ng Maralitang Pilipino”.

Kini gina selebrar matag Disyembre ilawom sa Proclamation 367 series of 1989 og tumong niini nga aron mapalambo ang mas dakong pagsabot sa mga isyu ug problema sa urbanisasyon, kapobrehon sa kasyudaran, squatting ug uban pang may kalabutan sa kalikokan.

Gisugdan sa usa ka misa ang selebrasyon ug kini giduyugan sa mga myembro ug opisyales sa mga assosasyon. Human niini nag pahigayon og program kung diin mihatag sa iyahang opening message si Panabo City Federation Urban Poor Home-owners Association President Epifanio Loyola ug siya nanghinaot na mao kini ang sinugdanan sa mga kalihokan alang kanila.

Mihatag usab sa iyang inspirational message si City Mayor Jose E. Relampagos pinaagi kay Youth Development Office in-charge Lester John Bulfango, sumala pa niya nga andam mo tabang ang mayor sa siyudad. “Gi congratulate mo ni Mayor Relampagos in advance sa inyung kalihokan ug siya maningkamot pa na matabangan mo sa inyung nga gikinahanglan matag assosyasyon.”

Anaa usab si Esmael Alejo isip representante ni Vice Mayor Gregorio Dujali III, “Si vice mayor nanghinaot nga mamahimo ning malampuson og nanghinaot siya na aduna pay daghan pa ang mahatagan og pinuy-anan.”
Sa ulahing bahin gisaysay ni Area Coordin

Sa ulahing bahin gisaysay ni Area Coordinator Presidential Commission for Urban Poor, Davao City og unsa ang ang gisugdan sa Urban Poor og unsa ang mga tumong niini, iyaha usab gi tagaan og pasidungog ang City Housing Section mahitungod sa kakugi nila alang sa mga programa alang sa katawhan.

Aduna pay duha (2) ka adlaw nga selebrasyon ang Urban Poor Solidarity Week ug kini gilangkuban og Capacity Building, Zumba Dance Contest, og pag hakyad sa mga accomplishment report sa pederasyon sa urban poor sa tuig 2022.

| Gen Alforque – CIO, Research Unit
📸 | A. Castilla – CIO, Multimedia