Isip pag-ila sa maayong binuhatan, mihatag si City Mayor Jose E.Relampagos pinaagi ni Executive Secretary Josie Mary G. Relampagos sa ika-17 nga Honesty Award kay Ruben A. Golong nga taga P-4B Glodo, Barangay San Francisco, Panabo City tungod sa iyang pag-uli og bag ni adtong Setyembre 9,2020. Ang bag gipanag-iyahan ni Kate Jezzanea Divinagracia nga lumulupyo sa Kristopher Homes Barangay JP Laurel.

Sumala pa ni Ruben, nakita niya ang bag sa lingkoranan sa iyang pedicab ug dalidali siyang ni dalikyat sa balay sa iyahang ulahing pasahero sa pagtuo nga panaga-iya kini niya. Ang bag adunay sulod nga Tablet (My Phone), Cellphone nga Samsung A70, Valid IDs, ug kwarta nga nagkantidad og P3,700.

Pahimangno ni City Mayor Jose E.Relampagos nga mahimo tang matinod-anon sa atong ginabuhat isip adunay kahadlok sa Dios.

| Mel Hilario , CIO-PIRO
| Photo: Lady Nalzaro