Planong pangusgan ang kampanya sa vape ug illegal smuggling sa sigarilyo sa Lokal nga Panggamhanan pinaagi sa Anti -Smoking Task Force (ASTF) subay sa City Ordinance No. 06-15 nga giamendahan adtong tuig 2017 subay sa Republic Act 9211 atol sa gipahitabong panagpulong sa Function Hall, New City Hall, Panabo City adtong Disyembre 06,2023.
Gihisgutan sa panagtapok ang tumong ug tinguha sa maong pagpahugot sa programa sa pagpanikop sa mga pagpamaligya sa kadalanan sa mga pipila ka mga indibidwal ilabi na sa mga natala nga mga menor de edad nga vendors.
Magpadayon ang pagbaklas sa mga tarpaulins nga nag-endorso sa mga tatak sigarilyo, padayon ang paghatag og awarenes sa sangpotanan sa pagpanabako ngadto sa katawhan, plano usab nga adunay ipanghatag nga treatment alang sa mga tobacco dependence aron maminusan ang pag-access sa mga menor de edad sa mga produkto sa tabako.
Kahinumduman nga niadtong Septyembre 26, 2023 nahimong HALL OF FAMER ang Panabo City sa DOH RED ORCHID AWARD tungod sa national validation result nga 100% Smoke-Free ang siyudad.
Dugang niini, nagpaabot si City Mayor Jose E. Relampagos sa iyang dakong suporta pinaagi ni Executive Secretary IV Josie Mary G. Relampagos. Anaa usab sa meeting si City Administrator Pedrito E. Misoles, kauban ang hanay sa CHO, CIO, CLO, CSU, PESO, DEPED, ug PNP.
#ServiceToPanaboansServiceToGod
Dolly G. Amag- CIO
Photos| R. LIGTAS- CIO
Categorized in Featured