Nagpahigayon og Virtual Job Fair ang ACES Polytechnic College sa pakig-alayon sa Public Employment and Services Office-Panabo (PESO) ug Department of Labor and Employment Region XI adtong Pebrero 21, 2022 pinaagi sa Zoom Video Conferencing.

Adunay walo ka mga partnered employers ang nakiglambigit sa maong job fair ug kapin 600 ka mga job vacancies ang gi-pilian. Ubay-ubay ang mga nagparehistro ug niapil sa kalihokan nga adunay tinguha na makapangita og trabaho aron sa tsansang paglambo sa kaugmaon.

Sa proseso sa zoom, ang mga aplikante ug technical staff anaa sa main room diin diha pagahisgutan ang mga announcements o tips ug istoryahan ang mga aplikante kung asa sila willing mo-apply dayon ihatag sila sa mga breakout rooms o matag room sa mga employer aron sa interview.

Sila Christ Silvera ug Adrian Rubio Lumanta ang unang mga na hired on the spot sa mismong virtual job fair sulod sa kompanyang 3ME Manpower Services.

Padayon pa gihapon ang job fair alang sa mga miapil ug laoman nga aduna pay musunod na mga anunsyo kabahin sa mga na hired on the spot na aplikante sulod sa usa (1) ka semana. Atangi ang ACES Polytechnic College o PESO Panabo City Facebook Page sa anunsyo.

l M. Lagura
Photos: APCI/PESO Panabo