Hunyo 10,2021 — Pinaagi sa online platform, nagpahigayon og Trabaho, Negosyo, Kabuhayan (TNK) Fair ang Public Employment Services Office (PESO) kauban ang Department of Trade and Industry (DTI). Tumong niini nga makahatag og dungag panginabuhian alang sa mga katawhan ilabi na sa mga low income individuals ug mga displaced workers tungod sa pandemya sa COVID-19 sa Panabo City.

Sa maong kalihokan, adunay Livelihood Product Making sama sa herbal liniment oil making ug liquid laundry detergent making ang gikutlo alang sa mga katawhan. Anaa usab Basic Entrepreneurial Orientation ang gitudlo sa DTI aron sa tamang pagpadagan sa negosyo ug maayong paggunit sa kwarta.

Gawas sa online streaming sa programa, anaay 17 lang ka mga partisipante ang gitugotan nga maka adto sa venue tungod sa pagsubay sa health protocol nga mando sa DOH kontra COVID-19.

Sumala pa ni Senior Labor and Employment Officer Cherelle B. Espinosa, MBA, “This program is intended for those low income individuals para naa silay dungag income and para makatabang sa ilang family.”

Mapasalamaton usab si Rachelle San Esteban diin siya nakabenepisyo sa TNK Fair Program, “Dako kaayo ni og tabang alang kanako isip usa ka single mom sa duha nako ka anak kay anaa na koy idea kung unsaon ang tamang pag-negosyo”.

Magpadayon ang online nga job fair sa TNK karong Hunyo 11,2021.

Makit-an ang live stream sa TNK Fair Program sa PESO Panabo City Facebook Page. https://www.facebook.com/pesopanaboOfficialPage/videos/176620847735195

| Sonny L. Calizar, CIO – PIRO