Mapadayunon ang City Antri-Drug Abuse Council (CADAC) sa kampanya aron matabangan ang mga 2,390 ka Voluntary Submitted for Reform (VSR) alang sa ilang mga tinguha nga malayo na sa droga ug dili na sila mubalik sa paggamit niinI diin adunay mga programa nga ginahatag kanila sama sa random drug testing, values formation, Health and Psycho Education, ug Drug Preventive Education Lecture.

Sumala pa ni City Anti-Drug Abuse Council- Action Officer, Roqueos Cimafranca nga, “Abri ang opisina sa inyuha, ayaw kamo makuli sa pag doul andam ang atong Mayor, Jose E. Relampagos nga tabangan mo.”

Gawas niini, padayon ang pakig-alayon sa CADAC Panabo sa Philippine Drug Enforcement Agency (PDEA) apil na sa PNP-Panabo aron masiguro nga madeklara ang uban pang barangay sa siyudad nga drug cleared kauban ang mga komitiba niini.

Ang opisina sa CADAC nahimutang sa Central Market, Barangay New Pandan, Panabo City. Mamahimo kamo nga mubisita sa adlawang Lunes hantod Biyernes, alas 8 sa buntag hantod alas 5 sa hapon.

| Gen Alforque – CIO, Research Unit
📸| City Anti-Drug Abuse Council-Panabo City FB Page