“Amo nasabtan nga gipanalanginan mi sa Ginoo, kailangan nga mahimo sad ming panalangin sa uban,” butyag ni Juvy L.Estraza, Presidente sa Panabo North District day care teachers human nila gihatagan og regalo ang 25 ka benepisyaryo sa St. Therese Crisis Center adtong Agosto 28,2020.

Sila gihatagan og mga sanina, relo, pantalon, jacket, ug pagkaon nga gikan mismo sa personal nga kwarta sa mga day care teachers. Apil nasad nahatagan og regalo ang tulo (3) ka sanggol nga anaa sad sa center.

Matod pa ni Estraza, ang matag maestra nagbunot sa gisulat nga wish sa mga bata nga anaa sa St. Therese. “Pinaagi sa among kaugalingon nga kwarta amo gigrant ila wish.”

Ang St. Therese Crisis Center usa ka temporaryong pasilongan alang sa mga kababaehan ug batang babae nga biktima sa abuso ug anaa sa kalisod nga circumstansya. Dunay ginahatag nga mga programang spiritual, educational, legal, psychological, ug uban pa.

Nagselebrar sila, kauban ang St. Joseph Pag-Asa Home Center, sa ilang ikaduhang aniberasyo adtong Agosto 30,2020.

| cio