Disyembre 27, 2022 – Gi-selebrar sa LGU Panabo pinaagi sa City Health Office ang paghandom sa World AIDS Day sa 3rd Floor Function Hall, Panabo City Hall.

Ang World Aids Day gina-selebrar sa Disyembre 1 matag-tuig ug labing pinaka una nga Global Health Day nga giila adtong tuig 1988. Ang pagsaulog, gipahinungod sa pagpakaylap sa AIDS pandemic nga gikan sa HIV infection.

Gipaabot sad ni City Administrator Pedrito A. Misoles ang mensahe ni City Mayor Jose E. Relampagos, nga priority gyud niya ang Health and Education alang sa mga katawhan. “Ingon pa ni Mayor, mag invest gyud ta sa human capital, useless ang tanan infrastructure or kung unsa atong mga achievement kung ang mga tao dili ma educate or ma aware sa importance sa health ug sa education.” Dugang pa ni City Administrator Pedrito A. Misoles.

Nagpahigayon usab og pinning of Red Ribbon nga gipangulohan ni Jane Michelle G. Lumba, RN, Nurse II, isip pagrepresentar sa gugma alang sa tanan nga nagpositibo sa sakit nga HIV, samtang giduyogan ni Verdexson Calipayan ang pag-awit sa komunidad.
Atol sa kalihokan, aduna sad gipahitabo nga HIV/AIDS Peer Educator Training alang sa mga health workers sa CHO.

Anaa ang presensiya nila Acting City Health Officer Dr. Eranie L. Pangilinan, Population Program Officer III Lorelie R. Oriol kauban ang mga personahe sa CHO, I/HIV – AIDS Program Coordinator of PHO Leilani Kristi B. Cobrado, Nurse I, PSFI – Community Center Michael A. Diacosta, inubanan sa mga miyembro niini sa Pilipinas Shell Foundation, Inc. (PSFI) ug ang Pag-asa Youth Association of the Philippines (PYAP).

| MCG
📸 R. Cayas