Menu

Oktubre 5, 2022 – Gipangunahan ni Schools Division Superintendent Reynante A. Solitario, CESO VI ang pagsaulog sa World Teachers Day alang sa mga magtutudlo sulod sa Panabo City Division, apil niini ang Panabo Central, South, North districts, private schools, ug ALS Teachers sa siyudad.

Iyaha gipasigarbo ang mga magtutudlo sa siyudad kay iyang nakita nga nagalambo sila ug sila na recognize sa lahi nga mga school divisions maskin paman sa kagamay sa Panabo City Division.

“Mabuhay ang mga gurong Pilipino! mabuhay ang mga panaboan teachers! mabuhay ang mga champion stakeholders!” kalipay nga dungag ni SDS Solitario.

Iya pang’ gipasigarbo nga usa sa mga anaa sa programa ang nahimo niyang maestra sa una. Ingon pa niya, “Inig makagraduate ang estudyante mahimo nang propesyonal, kabalo ko magpasalamat ang mga maistra ug mo ingon nga ako nang studyante sauna.”

Mapadayonon usab ang supporta sa amahan sa siyudad nga si Mayor Relampagos alang sa kalambuan sa DepEd Panabo sa iyang message of love and appreciation. Iyang gihatagan og bili ang mga naambag sa magtutudlo sa siyudad sa Panabo ug iya kining gipasalamatan.

“Always ang suporta ug programa alang sa inyuha, importanti ang DepEd ug LGU united alang sa kalamboan,” dungag pa niya. Sa ulahi, siya mi hatag sa iyang hinaot nga aduna pay daghan nga panalangin nga mo abot sa tanang magtutudlo ug ang kamaayo sa mga panlawas nila ug sa ilang matag ka pamilya.

Anaa usab sa programa si 2nd District Representative Congressman Allan Dujali nga gi representa ni Mary Ann Cheng, Vice Mayor Gregorio Dujali III nga gi representa ni Jennifer Doot, City Councilors Hon. Janno Paulo Gentiles, Hon. Omar Ranain, Hon. Dizon Namuag, Hon. Christian Dujali, Hon. Jamail Macla, Hon Theodor Conrad Matutino, Executive Assistant Jo-Anne Relampagos-Capuyan, DepEd Asst. Schools Division Superintendent Phoebe Gay Refamonte, Chief Education Supervisor Dr. Ailene B. Añonuevo, ug Chief Education Supervisor Janwario Yamota, Asst. SDS DepEd Davao Jinky B. Firman, Asst. Regional Director Dr. Maria Ines C. Asuncion, SDS DepEd Tagum Dr. Josephine Fadul Asst. SDS DepEd Tagum Melanie P. Estacio.

Gen Alforque – CIO, Research Unit
|📸 – A. Castilla & M. Gentiles – CIO, Multimedia Unit

Categorized in Featured , News Release

Related Posts

LATEST