Gipahitabo ang Child Development Workers Day sa ABC Hall, Barangay New Pandan, Panabo City diin misalmot ang 88 ka mga Day Care Teachers sa Panabo City adtong Hunyo 13,2022.

Ang Lokal nga Panggamhanan pinaagi sa City Social Welfare and Development Office (CSWDO) ang nanguna sa kalihokan. Atol sa programa, nagpasundayag ang mga magtutudlo sa ilahang talento sa pag sayaw ug acting nga mihatag og kalingaw sa tanang misalmot.

Sa pikas bahin, gipasidunggan si Elanie M. Alburo na gikan sa North District ug si Arnel S. Baguio nga gikan sa Central District isip Best Day Care Worker 2021. Gigawaran usab og pag-ila ang mga magtutudlo nga nagdugay na sa serbisyo gikan lima (5) hangtod 32 ka tuig.

Nakigduyog sa seremonyas si CGDH CSWDO Chareina C. Lacuin, PACIDACWA President Leah M. Tonog, Child and Youth Section Head Melvina A. Domingo, ug mga magtutudlo sa nagkalain-laing distrito sa siyudad.

l Jhon Alidon, CIO OJT
Photos: A. Castilla, CIO MULTIMEDIA