Menu

Gigawaran si Diomedes M. Abellanosa, usa ka pedicab driver nga taga Purok Carnation, Barangay New Pandan adtong Hunyo 24, 2022 isip ika-13 nga nakadawat og honesty award karong tuiga human giuli ang cellphone nga gipanag-iyahan ni Mary Grace B. Fuentes.

Matod pa ni Fuentes, gitawagan niya dayon ang iyang cellphone ug dakong pasalamat kay gitubag sa nakakita. Nawala iyang kakulba human giingnan siya ni Abellanosa na dili angay mabalaka kay magkita sila og iuli ang maong kabtangan.

“Ang ako lang maingon sama nako nga mga nakakita og mga gamit nga ato gyud ning i-uli sa tag-iya. Kung pwede, ihatod sa ilang panimalay kay kabalo ko nga perti nilang guola,” butyag pa ni Abellanosa alang sa mga taong adunay makita nga mga kabtangan. Nakadawat usab siya og bugas, token, ug Honesty Award certificate isip pag-ila sa maayong buhat.

Alang sa mga nakakita og kabtangan ug gusto iuli, mamahimong moadto sa City Administrator’s Office nga nahimutang sa 3rd Floor, New City Hall, Barangay JP Laurel, Panabo City ug pangitaa si Nilda Cuantioso aron mauli sa tag-iya ug magawaran og pag-ila.

l M. Lagura
Photos: R. Cayas/Q. Villahermosa

Categorized in Featured , News Release

Related Posts

LATEST