Oktubre 9, 2022 — Bisan pa man sa ka kusog sa ulan opisyal na nga gi-abrihan ang pagsaulog sa 10th Binulig Festival nga adunay tema nga Pakigtambayayong. Panaghiusa. Pagkugi. Ipasigarbo Progresibong Panabo. Gisugdan kini sa Motorcade nga gi-apilan sa mga empleyado sa Lokal nga Panggamhanan, human niini gipahigayon ang usa ka misa alang sa pag pasalamat sa abundang ani sa mga fisherfolks ug mag-uuma sa siyudad.

Ang pagsaulog usab usa ka pamaagi nga pasalamatan sila ug ipasigarbo ang ilang nahimong kontribusyon matag tuig sa siyudad sa Panabo.

Atol sa opening program mihatag sa iyang opening remarks si City Vice Mayor Gregorio Dujali III og iyang gi saysay kung asa nag sugod kung ngano gina selebrar ang Bunulig Festival matag tuig. “Kini ang ginatawag nga pagsalamat diin duna kitay harvest, mao kana karon aduna kitay festival aron kita tanan managtapok nga atong saulogon kada bulan sa oktubre,” ingon pa ni Dujali. Dungag pa niya kini usa usab ka pamaagi nga makab-ot nato ang maayong produksyon alang sa siyudad.

Gisaksihan usab live ang highlight nga “Cake Slicing” nga gipangunahan ni Mayor Joe, Vice Mayor Dujali, ug Konsehal Omar Ranain isip pag abri sa isa ka semana nga selebrasyon. Nagpasundayag usab ang mga Hiyas ng Binulig 2022 candidates sa ilang intermission number.

Nakigduyog usab ang mga partnered National Line Agencies ug mga bisita sa opening program.

Atangi ang uban pang kalihokan sa Panabo City Informatiion official Facebook page.

✍️/ Gen Alforque – CIO, Research Unit
📸/ E. Pan, R. Cayas, & A. Castilla – CIO, Multimedia Unit