Oktubre 7, 2022 — Gisugdan sa usa ka parade ang pag-abri sa Elderly Week Celebration subay sa tema nga “Older Persons: Resilience in Nation Building”. Suportado ang selebrasyon sa mga miyembro sa tanang Senior Citizen associations sa 40 ka mga barangay sa siyudad.

Opisyal nga gi-abrihan ang programa ni City Social Welfare and Development Office Department Head Chareina Joy G. Lacuin. “Bisan pa man adunay daghang challenges padayon kita sa serbisyo,” sumala pa ni Lacuin. Iyaha usab gipasigarbo sa mga misalmot nga ang Panabo City ang adunay pinakanindot nga opisina sa OSCA ug kini usa ka pamatuod nga maayo ang pag dumala sa mga senior citizens sa siyudad.

Atol sa programa, adunay gipahitabo nga mga contest sama sa Ballroom Dacing Competition, Singing Contest, Dancercise, Chess Contest, Dama ,ug Dart competition.

📌 Dancercise Contest
1st Place – Barangay Sto. Niño
2nd Place -San Francisco
3rd Place – San Pedro

📌 Singing Contest
1st Place – Barangay Cagangohan
2nd Place – Salvacion
3rd Place – Kasilak

📌 Ballroom Competition
1st Place – Barangay Salvacion
2nd Place –
3rd Place – Kiotoy

📌 Dama Competition
Male Category – Wilfredo Meñosa

📌 Dart Competition
Male Category – Luis Gementiza
Female Category – Florencia Tanio

📌 Chess Competition
Male Category – Antonio Padayao
Female Category – Teodora Babia

Mihatag sa iyang suporta si Mayor Jose E. Relampagos sa maong kalihokan. Matod pa niya, “Ako senior naman ko, nanghinaot ko nga atoang mga kalawasan ampingan nato. Mag atiman ta kay malipay ko nga every year mag kita-kita ta diria.” Naghatag pud siya og cash prizes alang sa mga pa kontest sa programa.

Anaa usab si Vice Mayor Gregorio U. Dujali III ug siya mi hatag usab sa iyang inspirational message alang sa miyembro sa tanang senior citizen association sa siyudad. “Lami pamalandungon nga diin kamo naay tyansa nga maka saulog ning panahona,” dugang ni Vice Mayor.

Gihatagan usab og Plaque of Recognition ang mga presidente sa matag senior citizen association sa siyudad nga nag serbisyo na sa taas nga tuig apil ang pag hatag sa pahalipay ni Mayor Joe sa pinaka edaran nga misalmot sa maong programa.

Nahuman ang kalihokan pinaagi sa paghatag og mensahi ni OSCA Head Bedim Macaraan kung diin iyang gipasalamatan ang tanang misalmot sa Elderly Week selebration.

Anaa usab sa programa ang mga city councilors Christian Leander Dujali, Ian Rolet Catalan, ug Omar Ranain ug Executive Secretary to the City Mayor Josie Mary G. Relampagos.

| Gen Alforque – CIO, Research Unit
| 📸 – E. Pan & R. Cayas – CIO, Multimedia Unit