Ang Community Skills Training and Livelihood Entrepreneurship Program sa City Government nagpahigayon og libreng Masonry NC II alang sa 18 ka trainees nga gihati sa duha ka sessions. Kini kasamtangang ginapahitabo sa Training Center sa Barangay Datu Abdul, Panabo City.

Sila usab ginatudluan sa pagmasa sa semento, tamang paglaying sa hallow blocks, paglay-out ug plastering para maperpekto ang walling. Ilalom sa training aang paghimo og Welding station.

Usa sa nakabenepisyo sa maong libreng skills training mao si Jerry R.Sercedillo nga taga Purok 4, Barangay Little Panay. Ingon pa niya, “Madugangan pa akong kahanas sa mason ug mao usab akong qualification ug dali lang nga mahired kay anaa naman koy experience ani nga training. Balak sad nako nga mag abroad human sa traning para mas ma apply nako akong natun-an.”

Ang training alang sa Masonry NCII gisugdan ni adtong Setyembre 1,2020 ug laoman nga matapos karong Oktobre 5,2020.

Alang sa dugang pangutana, mamahimong mo bisita sa Public Employment Service Office (PESO) nga nahimotang sa Parks and Plaza, Panabo City.

| Mel Hilario/CIO
📸M. Gentiles