Gipahitabo adtong Setyembre 28,2020 sa Gredu Gym, Panabo City ang Graduation Ceremony alang sa 25 ka trainee sa Bread and Pastry Training NC II ilalom sa Community Skills Training Livelihood and Entrepreneurship Program sa TESDA ug Public Employment Service Office.

Si Rodel S. Ramos nga taga Barangay San Pedro usa sa nakagraduate sa maong skills training. Sumala pa niya,”Nakakat-on ako dili lang sa pag put-up og sarili nakong business, mao usab ang mga realization sa pag-bake ug unsa kini kalisod ug kahago nga trabaho.”

Gibutyag usab ni City Mayor Jose E. Relampagos nga, “Mangita usab ako og pamaagi nga motabang kaninyo kay dako akong kalipay nga daghan ang ni graduate. Ang lokal nga panggamhanan andam kaayo mo tabang kaninyo sa pag put-up og sarili ninyong business basta dili lang mo maulaw nga mo dool.”

Sa maong graduation, anaa si PESO Manager Cherelle Espinosa, CWS Lotus FSATCI Executive Director Heinrich Maria Heumann, ug BPP NC II Trainer Corazon T. Salvacion.

|Mel Hilario/CIO
📸M Gentiles