Mayo 10,2021 — Nagpadayon gihapon ang lokal nga panggamhanan pinaagi sa City Health Office og pagbakuna sa Sinovac alang sa mga Frontline Health Workers ug mga Barangay Health Emergency Response Team (BHERT) sa siyudad sa Panabo.
Sa Kasamtangan, anaa sa 2,523 ka mga Health workers ug BHERT ang nabakuhanan – 1,869 kanila ang gikan sa 1st batch ug 654 ang sa 2nd batch. Ginalaoman nga mahuman na ang pagbakuna sa mga FHW ug BHERTS aron masunod na ang pagbakuna alang sa mga Senior Citizens.
Atol sa pagbakuna alang sa mga senior citizens, anaa nay 3,376 senior citizens ang nisugot nga sila mapasailalom sa vaccination. Ang CHO pinaagi sa Health Education and Promotion Section adunay ginahatag nga mga impormasyon kabahin sa vaccination aron mas mapasabot sa katawhan ang importansya sa pagbakuna sa matag barangay sa siyudad.
Sumala pa ni National Immunization Program Coordinator, Mafel R. Mugas nga dili palampason ang maong opurtunidad ilabi na nga libre ang pagbakuna. “Isa sa best na nakita karon through scientific study kontra COVID, mao ang vaccination. So ginaawhag nako ang tanan nga magapabakuna kay kini libre man ni nga gina-provide sa goverment.”
Ginalaoman nga moabot na ang ubang vaccine alang sa kaayohan alang sa katawhan.
| Sonny L. Calizar, CIO – PIRO
📸 | Emman Pan and Nova Gayonan