Niarangkada ang Serbisyong Barangay (Oplan Kalinaw) ni City Mayor Jose E. Relampagos sa Barangay Lower Panaga diin 310 ka mga lumulupyo ang nakabenepisyo sa mga libreng nag unang serbisyo sa LGU adtong Mayo 7,2021. Ang programa nagahatag og libreng serbisyo sama sa check-up, tambal, school materials, seedlings ug abuno, gupit, anti-rabies vaccine sa mga iro, ug uban pa.

Matod pa ni Ryan Marcos nga in-charge sa programa, nga ang programa sa lokal nga panggamhanan mamahimong ipadool sa mga katawhang nagpuyo sa lagyong barangay, “Kaming Oplan Kalinaw team, kauban ang opisina sa atong Mayor, maningkamot nga mapaabot sa katawhan sa Panabo ang ilang mga nag unang panginahanglanon nga dili na sila mo adto sa sentro aron magpa-check-up o magpakonsulta”.

Sumala pa ni Jia Plazo, 23 anyos, residente sa lugar, diin nakabenepisyo sa libreng check-up ug tambal alang sa iyang gi-ubong anak, “Dako kaayo ning tabang sa among barangay kay layo kaayo ang pacheck-upan dria unya layo pud ang palitanan og tambal”.

Ang Barangay Little Panay sunod adtoan sa Serbisyong Barangay Oplan Kalinaw sa Mayo 14 ,2021.
| Sonny L. Calizar, CIO – PIRO
📸 | MCG