Mihatag og proyektong Livestock and Poultry Multiplier ang Probinsya sa Davao Del Norte sa Panabo City isip tabang sa pagpadaghan og mga livestock sama sa kanding ug poultry sama sa manok aron ipanghatag sa mga lumulupyo sa Panabo sa 2021. Ang maong programa mikantidad og P3.5 Million.
Mensahe ni City Mayor Jose E.Relampagos nga iyaha kining alagaan alang sa katawhan. Ingon pa niya, “Nagpasalamat ko kay Governor kay tungod sa iyang effort og suporta niya sa siyudad sa Panabo, atoa ning amomahon aron di mawala ang gihatag sa atoa.”
Takos ang pagsalig ni Governor Edwin I.Jubahib nga mahimong malamposon ang proyekto sa mga munisipalidad og siyudad sa Davao del Norte. Pinaagi kay Provincial Administrator Engr. Josie Jean Rabanoz, “Si kuya Gov naghandom na kini malampuson og daku kinig ikatabang sa Probinsya sa Davao del Norte.”
Gilaoman nga sa sunod tuig, 2021, masugdan ang animal despersal alang sa mga residente sa Siyudad sa Panabo.
|Gene Rose Alforque – CIO/PIRO
|📸 – Aljun Castilla
Categorized in Featured