Adlawng Setyembre 14,2020 gipahitabo sa JP Laurel Elementary School, Gredu ug New Pandan ang Oplan Linis “Brigada Eskwela”. Ang maong aktibidades gipangunahan sa mga empleyado sa City Government aron matabangan ang pagmentina sa kalimpyo sa mga eskwelahan.
Ang Oplan Linis Brigada Eskwela usa ka inisyatibo ni City Mayor Jose E. Relampagos pinaagi kay Executive Secretary Josie Mary G. Relampagos kauban ang mga kawani sa Barangay Enhancement Administration Program sa panguna ni Vanessa lou Bugay.
Ingon pa ni Brigada Eskwela Coordinator Claisa L. Postrero sa Gredu Elementray School, “ Dako among pagpasalamat sa pagpahigayon ug pangpanlimpyo sa among gulayan sa paaralan sa pagpanghagbas, paglimpyo sa hand washing area ug paghinlo sa tibuok tulonghaan tungod ani ready na gyud mi para sa school year 2020-2021.”
Laoman nga magpadayon pa ang Oplan Linis Brigada Eskwela sa matag-eskwelahan sa 40 ka barangay sa siyudad.
Pahitaboon kini sa tibook bulan sa Setyembre.
| Mel Hilario CIO- PIRO
Categorized in Featured