Enero 25, 2023 – Naugdaw ang tulo (3) ka balay sa Montañez Compound, Bagong Silang, Barangay Gredu human sa nahitabong sunog sa bandang alas 2:30 sa hapon diin dali dayong miresponde ang Bureau of Fire Protection (BFP) – Panabo aron sa pagpalong sa nagdilaab nga kalayo aron dili na kini mas mudako ug mukuyanap sa ubang tapad nga balay.
Sa bandang alas 5:20 sa hapon napalong na ang sunog ug wala pa mahibal-e kung unsa ang hinungdan niini. Padayon pa ang overhauling o pag-imbestiga sa mga personahe sa BFP.
Kauban sa miresponde ang City Disaster Risk Reduction and Management office ug Urgent Responders. Anaa ang mga personahe sa BFP ug anaa usab si UR 257, Paul Adrian Paculanang gikan sa Urgent Responders.
