Marso 09, 2021 — Gikasal ni City Mayor Jose E. Relampagos ang 32 nga mga paresan sa gipahitabo na Kasalan ng Lungsod 2021 subay sa 20th Araw ng Panabo sa Panabo Gym. Tumong sa kasalan ang matagaan og pormal na pamuyo ang mga paresan ug kini makabenepisyo sab sa paglegitimize sa ilang mga anak.

Adunay 15 ka paresan ang gikasal sa buntag ug 17 ka paresan sa hapon aron masunod ang crowd control ug physical distancing ilalom sa Modified General Community Quarantine status sa siyudad.

Gimungkahe ni Mayor Relampagos, “Inyong Paningkamotan nga ang inyong relasyon mapalig-on ug kayanon ang mga problema isip usa ka pamilya”.

Nagpasalamat usab sila Rodel Cuevas ug Grace Rusiana tungod makabenepisyo na ilang anak human sa ilang 14 ka tuig na pagpamuyo sa usa ka panimalay. “Mao na ni ang time para malegitimate ang mga birth certificate sa among mga anak,” ingon ni Rusiana

Ang Kasalan ng Lungsod 2021 usa ka programa sa Lokal nga Panggamhan sa Panabo pinaagi City Civil Registar’s Office (CCRO).

Ang sunod nga Kasalan ng Lungsod mahitabo sa Marso 23,2021.

|Sonny L. Calizar, CIO – PIRO
📸|A. Castilla and Emman Pan