Personal nitambong si City Mayor Jose E. Relampagos sa pagturn-over sa P1.5 Million Livelihood Assistance for Water Refilling Station nga gipundohan sa Department of Labor and Employment (DOLE) adtong Marso 5,2021 alang sa Panabo United Meat Vendors Cooperative (PUMVC). Aduna sab counterpart nga P500,000.00 ang PUMVC alang sa pagtukod og building sa proposed project sa Purok 3, Galagala, Barangay San Vicente.

Giturn-over kini sa DOLE pinaagi sa Public Employment Service Office (PESO) sa Panabo City Multi-Purpose Gym subay sa gipahitabo nga 20th Araw ng Panabo Trabaho Negosyo Kabuhayan (TNK) Program.

Nagpasalamat si PUMVC Representative Rubin Cayasan sa Lokal nga Panggamhanan sa Panabo ug sa PESO office sa pag-atiman sa ilang request. “Kung mahuman na ang water refilling station, hinaot namo ang mapalambo pa ang PUMVC ug makahatag mi og trabaho sa uban”

Matod pa ni PESO Manager Cherelle B. Espinosa, “The government is doing its best para lang jud mahatag ang ilang panginahanglan.”

Gipahibalo usab ni Espinosa nga importante ang adunay organized group kay usa kini sa mga rekisito alang sa pagtugot og livelihood assistance.

|Sonny L. Calizar, CIO – PIRO
📸| A. Castilla