Agosto 19, 2021 – Mi-arangkada nasad ang Mobile Vaccination Team sa Panabo City Health Office sa Little Panay Elementary School diin 417 ka mga residente gikan sa Barangay Little Panay, Maduao, Katipunan ug Upper Licanan ang nabakunahan na kontra COVID-19. Apil kanila kay ang mga A2 (senior citizens), A3(18-59 anyos nga adunay mga sakit), ug A4 (frontline personnel in essential sectors).

Sumala pa ni National Immunization Program Coordinator, Mafel Mugas, RN, “Mag hulat lang usa ta nga maabot ang vaccine aron maka schedule nasad ta sa atong mobile vaccination sa lagyong mga Barangay.”

Base sa datos gikan sa CHO, anaa na sa 24,802 ang nabakunahan nga mga residente sa Panabo. Sa gusto magpa bakuna nga apil sa priority group sa DOH, pa lista lang gihapon sa matag Barangay Health Center aron ma eskedyulan sa vaccination.

| M. Gentiles
📷 BHW Brgy. Little Panay