Agosto 19, 2021 – Nibista ang LGU Sto. Tomas nga gipangunahan ni Municipal Councilor Hon. Richard M. Languido sa Panabo City Premiumed Market (Wet Market) ilawom sa City Economic Enterprise and Management Office aron magbenchmark o mahibaloan ang mga pamaagi ug stratehiya sa pagpadagan sa bag-o ug daang palengke labi na ang pag-apply sa mga stall owners, renters, ug mga vendors.

Ila usab gi tubag ang nagka daiyang pangutana sa LGU Sto. Tomas ug ilahang gi saysay ang mga pamaagi sa pagpabayad og stalls ug ang proseso sa pagkuha sa mga pwesto sa palengke. Isip representante ni Economic Enterprise Manager Nemesio Rasgo, Jr, si City Government Assistant Department Head nga si Dulce R.Relopez, MPA mihisgot nga adunay pagbag-o sa Economic Enterprise Code. “Isip we are an income generating office sa gobyerno, naningkamot ta na ma han-ay ang public market aron mo income atoang siyudad,” dugang niya.

Sumala pa ni Sto. Tomas OIC-Municipal Economic Enterprise Manager Garry Recto, “Gusto namo i-apply ang good practices diria isip naga handom me nga puhon ma City nasad ang Sto. Tomas.”

Laoman nga bisitahon usab sa LGU Sto. Tomas ang ubang pang mga pasilidad nga gi manage sa CEEMDO sama sa Panabo Eternal Garden, Fish Port, Panabo Integrated Bus and Jeepney Terminal, ug Slaughter House.

| Genevieve R. Alforque – CIO-PIRO
📸 | MCG