Adunay bag-ong nigawas nga reports sa suspetsadong kaso sa African Swine Fever (ASF) sa duha (2) ka barangay sa lungsod sa Carmen nga mipataas sa kabalaka sa katawhan.

Ang Lokal nga Panggamhanan sa Panabo nangandam aron sa paglikay sa posibleng pagkuyanap sa ASF pinaagi sa pakig-alayon sa mga personahe sa matag barangay sa siyudad. Gi-abisohan usab ang tanan ilabina ang mga barangay na dool sa apektadong lugar na Quezon, Southern Davao, Nanyo, New Malitbog, Manay, ug Dalisay na hingpit nga mag-igmat sa tanang oras.

Gipahimangnoan sa City Government of Panabo ilabi na ang City Veterinary Section nga pahugotan ang monitoring ug mga protective measures aron malikayan nga makasulod sa dakbayan ang ASF.

Busa, padayon nga ipa-implementa ang Memorandum Order No. 167 series of 2020 subay sa Executive Order no. 50 series of 2019 kabahin sa pag-monitor, pag apod-apod sa impormasyon ug mga pamaagi sa pag-pugong sa ASF.
Bisan man nga dili maka-apekto ang ASF sa kalawasan sa tawo, dako kini og kadaot sa ekonomiya ug negosyo sa mga hog raisers ug sa mga nagabaligya og karneng baboy.

I-click ang link sa kumpletong detalye sa Memorandum Order ni Mayor Jose E. Relampagos: https://www.facebook.com/photo/?fbid=4150845514941786&set=pcb.4150845641608440
Mamahimong mo-kontak sa numerong (084) 822-2179 sa City Mayor’s Office o mag-email sa panabocityvet@gmail.com sa City Veterinary Section.

l M. Lagura
Photo: F. Paculanang