Mayo 26, 2022 – Mibisita ang mga piniling opisyales sa Lokal nga Panggamhanan sa Bislig ngadto sa 3rd Floor Function room, New City Hall, Panabo City alang sa gipahitabong benchmarking activity nga gipangulohan sa City Human Resources Office (CHRMO).

Adunay 17 ka representante ang misalmot sa maong kalihokan aron sa pakigbahin sa “best practices” nga gina-implementa sa lokalidad na mamahimong mas epektibo ang paghatod og nagkalain-laing serbisyo nga gikinahanglan sa usa ka siyudad. Gihisgutan sa maong kalihokan ang mga bag-ong istraktura ug estratehiya nga kasamtangang ginabansay sa lokal nga panggamhanan diin adunay mas maayong sistema sa pagdumala na magamit sa mga trabahante, makatabang sa pagpalambo og serbisyo, ug saktong programa apil na ang paghatag og ganti.

Matod pa ni City Administrator Pedrito Misoles, “Gina-prepara pa ug nagapahigayon og mga miting kalabutan kabahin sa Devolution Transition Plan, in behalf of City Mayor Jose Relampagos, nagmalaumon siya nga ang nahimong pagbisita sa mga representative gikan sa Lokal nga Panggamhanan sa Bislig City maghatag og ideya sa mga Best Practices sa Panabo aron mamahimong mabungahon ang kalihokan.”

Duyog sa kalihokan ang mga personahe sa CHRMO na sila CGDH Jan Mari G. Cafe, City Budget Office Melanie G. Sioson, City Planning And Development Office Karen Ann R. Maquilan, Human Resource Administrative staffs Maria Fatima G Ormega, Rhea Rose S. Arceno, Lorvena O Garcia, ug Clifford C. Burasca.

l Lorraine Leones, CIO OJT
Photo: M. Lagura, CIO PIRU