Agosto 3, 2021 — Nagpahigayon ang Department of Agrarian Reform (DAR) og Memorandum of Agreement Signing Ceremony alang sa mga agrarian reform beneficiaries (ARBs) ug Smallholder farmers sa Panabo City para sa programang Enhanced Partnership Against Hunger and Poverty (EPAHP) sa City Hall Function Room. Ang maong programa kay nagatinguha nga mahatagan og credit and marketing assistance sa mga kwalipikado nga mga kooperatiba. Nagahatag usab kini og angay nga pamaagi ug tabang alang sa ARBs ug Smallholder farmers aron mas mamahimong produktibo, naay inisyatibo, mapaninguhaon, ug aktibo ang nagkadaiyang kooperatiba.

Nagpasalamat usab si City Mayor Jose E. Relampagos tungod sa daghan nga natabangan sa programa. Dungag pa niya, “Andam ko perminte nga mosuporta sa programa sa Department of Agrarian Reform hilabi na kung matabangan ang mga mag-uuma kay importante sila nga mga indibidwal sa lungsod sa Panabo.”

Ang katuyuan sa EPAHP kay makab-ot ang: 1) pagtaas sa produktibo ug kita sa mga mag-uuma; 2) sigurado nga pagkaon ug ang seguridad sa nutrisyon; ug 3) pagkunhod sa kagutom ug malnutrisyon sa urban ug rural nga mga kumunidad.

Naghatag pud og mensahe si Cabinet Secretary Karlo B. Nograles via online. Ingon pa niya nga dako ang iyang garbo ug kalipay nga nahimo ni sa Rehiyon 11. Nagpasalamat siya sa suporta gikan sa Medical Mission Group Federation kay ningtabang sila nga mapatas-an ang kita ug mapalambo ang kalidad sa kinabuhi sa mga mag-uuma. “Ang determinasyon ug dedikasyon sa DAR maoy rason maong naay mga panag-uban sa tibuok nasod. Tungod niini, nagresulta og kinatibuk-ang kita nga 233.678 Million as of June 2021. Pinaagi sa MOA signing naa nay upat ka mga kooperatiba nga adunay 1161 nga mga mag-uuma ang natabangan,” dugang pa ni Nograles.

Nitambong sa seremonyas sila City Agriculturist Samuel N. Anay, DAR Asst. Regional Director Claudio A. Ybanez, DAR Regional Director Joseph H. Orilla, DAR-Panabo City Beatriz M. Alconera, OIC CARPO-PBDD Nazarino P. Monarca, PARPO II Crisostomo N. Bernaldez, MARIPHIL MPC Chairperson Rogelio Cabanalan, ULAMPCO Chairperson Rosita Pabua, CLAAP Cluster 1 President Diosdado A. Bonghanoy, CLAAP Cluster 2 President Jovilyn Rivas, CTARBEMPCO Chairperson Sulpicio M. Lapined ug DUFFAMCO Chariperson Nestor G. Nobleza. Naghatag sad ogpartisipasyon pinaagi sa birtuwal nga pagtambong sila CEO-MMG Federation Dr. Jose Tiongco, ASEC Atty. Milabez Cristobal ug Cabinet Secretary Sec. Karlo B. Nograles.

Sa kasamtangan, nagpadayon ang programang EPAHP sa pagtabang ug paghatag og importansya sa mga mag-uuma sa Panabo.

| Tim Acebedo, CIO-PIRO
📸 | Sonny L. Calizar, CIO-PIRO