August 3, 2021 – Pinaagi sa pakig-alayon sa Lokal nga Panggamhanan, nagpahigayon og libreng bakuna ang Tagum Agricultural Development Company, Incorporated (TADECO) sa ilang mga empleyado aron masiguro ang kaluwasan nila gikan sa COVID-19. Ang TADECO mao ang pinakauna sa mga private sectors sa siyudad sa Panabo nga nagpahigayon og libreng vaccination alang sa ilang mga empleyado.

“Naa mi total 12,000 employees nga target namo bakunahan plus one (1) sa ilang mga dependents. So, maabot gyud og 20,000 plus,” sulti pa ni Vermilyn M. Bilog, Admin Manager sa HR Department.

Aron masiguro nga luwas ug sakto ang pagpahigayon sa programa sa ilang vaccination site, gi-imbitahan sa TADECO ang mga personahe sa Panabo City Health Office og Provincial Health Office nga gipangulohan ni Neidel Feah A. Ferido .

Sulti pa ni Mafel Mugas, RN, CHO National Immunization Program Coordinator, nga plastar ang vaccination site sa TADECO. Dugang niya, “Kato lang mga recommendation namo is ma apply lang since ang vaccine sensitive siya but it’s okay kay first time pa man sad sa company. Pero ang gipahigayon karon nga vaccination usa ka dakong tabang labi na sa mga LGUs.”

Adunay 600 ka mga empleyado ang target nga mabakunahan sa kompanya sa usa ka adlaw.

| M. Gentiles
📷 R. Cayas