Usa ka demonstration trial ang gihimo sa City Agriculture’s Office pinaagi sa Research Section kauban ang ubang stakeholders aron mapakita ang paggamit sa lahi-lahing produkto nga makapakunhod sa problema sa sakit nga Fusarium Wilt ug moresulta og produktibong pag-ani sa mga Cavendish Banana sa Barangay Little Panay.

Sa maong demonstrasyon, gipakita ang mga lahi-lahing estratehiya ug pamaagi alang sa mga banana growers aron madungagan pa ilang Cavendish Banana. Aron nga malampuson ang kalihokan, si Rodrigo Alegado, usa ka farmer-cooperator, nagpahulam og usa ug tunga nga hektaryang yuta para mahimong trial site.

Tungod niini, adunay Deed of Undertaking ang gipermahan ni City Mayor Jose E.Relampagos, City Agriculturist Samuel N. Anay, ug ang mga stakeholders nga sila Winstor Villanueva (Megamate), Vicente T. Mitra (REN Corporation), Samuel O. Alegado (Immune Growth Booster) ug Marilou N. Infante (Trichodermaharzianum).
Ang inisyal nga aktibidades kay ang pagpangandam sa yuta nga tamnan ug ang pagpananom kay nasugdan na adtong Abril 2021 ug nasundan adtong June 2021.

Gilaoman nga sa kataposan sa trial period karong Disyembre 2021 mahimong malamposon ug moresulta sa daghang Cavendish Banana.

Ang Fusarium Wilt hinungdan sa Fusarium oxyspurom cubensii fungus nga gabahad sa industriya sa sagingan sa Panabo. Nagpadayon sa pagkugi ang City Agriculture’s Office kauban ang pagtinabangay sa mga pribado nga mga indibidwal aron malampasan ang negatibong epekto sa sakit.

| Tim Acebedo, CIO-PIRO
📸 | Rommel Cayas