Migradwar na sa ALS ang unom (6) ka elementarya ug (2) ka junior high school nga mga kabataang babae nga kabahin sa St. Therese Crisis Center (STCC) sa gipahigayon nga ALS Graduation ug Moving-up Ceremony sa Barangay Datu Abdul, Panabo City.

Ang STCC usa ka panimalay sa mga batang babae nga nabiktima sa pang-abuso. Sila wala gibiyaan sa gobyerno tungod apil sila sa mga learners sa Alternative Learning System (ALS) nga nagpadayon sa pagpaningkamot nga makab-ot ang ilang mga tinguha sa kinabuhi bisan paman sa ilang nahiaguman.

Gipaabot ni City Administrator Pedrito A. Misoles isip representante ni City Mayor Jose E. Relampagos ang iyang mga pahinumdom alang sa malampuson nga kinabuhi. “Adunay lima (5) ka butang nga angay buhaton alang sa pagpalambo ug padayong pagpa-uswag sa sarili. Mao kini ang faith, love, trust, hope, ug confidence,” ingon niya.

Sa maong, kalihokan anaa sila CGDH-CSWDO Chareina Joy G. Lacuin, GAD/CGADH-CCRO Libertad V. Regis, ALS Program Supervisor Jaime Carlom, Czarina Trixia S. Giangan RPm, MPsy, RSW Section Head Melvina A. Domingo, Education Program Specialist Rosebeth Candelasa, ug RSW Child Focal Dizza Padayao.

|IDOB
📸|F. Paculanang