Agosto 3, 2022 – Nibisita si City Mayor Jose E. Relampagos sa San Pedro Barangay Hall kauban si Acting City Health Officer Dr. Eranie Pangilinan aron makig-pulong sa mga magtutudlo sa San Pedro Elementary School ug mag-monitor sa sitwasyon sa maong tulonghaan kabahin sa problema sa baha ug pagpangandam sa face-to-face classes.

Sumala pa ni Mayor Jose E. Relamapagos kabahin sa problema sa baha, nga iya usang patambakan aron ma elevate ang yuta sa tulonghaan. Sulti pa niya, “Mag hatag ko og 50 bags of cement bahin sa elevation sa ground.”

Aduna usab plano si Mayor Jose E. Relampagos nga mag tukod og elevated nga building nga adunay duha (2) o tulo (3) ka andana ug concrete fence pinaagi sa Local School Board nga budget.

Sa panagpulong aprobado usab ni City Mayor Jose E. Relampagos ang pagbalik sa face-to-face classes sa San Pedro ES. Matod pa niya nga, lisod ma edukar ang mga bata kung permi lang kini mag module. Dugang pa niya, “Ako man gud makita nga ang uban ang mga mama, papa ug igsuon na ang mo answer sa module dili na ang mga bata.”

Nagpa-abot usab og pasalamat si Principal Mylene S. Castillo kauban ang mga maestra ug maestro sa San Pedro ES kay Mayor Jose E. Relampagos kalabot sa pag-uyon sa pagbalik sa face-to-face nga klase ug pagsulbad sa mga mulo nga hatagan og kasulbaran ang pagbaha sa eskwelahan ug pagpanindot niini.

Anaa sa panagpulong sila Kapitan sa San Pedro Edwin S. Olita kauban iyang mga Konsehales sa Barangay, Atty. Annalene Dacumos – Office of the Assistant Schools Division Superintendent – OSDS ug Raul Gacos – Admin Officer Division Panabo.

| MCG
📸 CMO