Oktubre 12,2021- Na turn-over sa mga anak ni Nathaniel Gamol, usa ka benepisyaryo sa Balik Probinsya, Bagong Pag-asa Program (BP2), ang tulo (3) ka bag-ong android tablets gikan sa Jamie V. Ongpin Foundation pinaagi sa National Housing Authority (NHA). Tumong sa programa kay mahatagan og suporta ang pamilya nga makapa-eskwela sa mga bata gumikan nga nawad-an og trabaho ilang amahan.

“This is one way of understanding education especially in this difficult time of Pandemic,” matod pa ni Atty. Sonny Paul Cirunay, Chief Corporate Attorney sa NHA. Dako ang pasalamat ni Charilyn Gamol, asawa ni Nathaniel, sa tanang tabang na ilang nadawat sukad sila napili sa BP2 Program. Dugang niya, “Malaking tulong ito sa pag-aaral ng mga bata. Marami nang (paraan) para magkaroon sila nang karunungan.”

Mahinumduman nga adtong bulan sa Abril, ni-uli si Nathaniel Gamol gikan sa Maynila tungod sa nahitabong istriktong kwarantina nga nakapaundang sa iyang panarbaho isip bus driver. Sa iyang pag-uli, gitabangan siya sa BP2 Program sa gobyerno pinaagi sa mga nasyonal ug lokal nga ahensya.

Sukad nga napilian si Nathaniel Gamol sa programa, ubay-ubay na ang nadawat niya nga assistance gikan sa gobyerno ug non-government organizations sama sa libreng expenses sa pag-uli gikan sa Maynila padulong sa probinsya, cash assistance o kapital sa bout nilang himoun nga negosyo, seedlings para makatanom og gulay, mga materyales alang sapag tukod og balay, kitchen wares, ug gardening tools.

Anaa sa turn-over si Assistant City Administrator Brenda A.Sauping, CSWDO Operations Section Head Melvina Dominggo, Tourism BP2 Focal Persons Roger Saygo, ug CSWDO BP2 Focal Person Nasuha T. Bautista.

Laoman nga aduna pay mga assistance nga madawat sa pamilya sulod sa duha (2) ka tuig isip Balik Probinsya, Bagong Pag-asa beneficiary.

| Gene Alforque – CIO/PIRO
| 📸 – Quinn Villahermosa