Personal na gitunol sa opisina sa City Mayor’s Office pinaagi kay Executive Secretary IV, Josie Mary G. Relampagos ang mga materyales alang sa lima (5) ka mga pamilya nga apektado sa nahitabong sunog sa Purok 1, Barangay Southern Davao, Panabo City adtong Septyember 30, 2021.

Tugon kini ni City Mayor Jose E. Relampagos aron matabangan ang mga pamilya sa nahitabong sunog ug maka sugod na silag pagpatindog sa ilang bag-ong puy-anan sanglit hapit na ang pasko.

Ingon pa ni Executive Secretary IV, Josie Mary G. Relampagos nga andam si Mayor Relampagos na tabangan ang mga nanginahanglang Panaboans ug dili magmakuli sa pagdoul kanila ilabi na sa opisina sa Mayor. Dugang pa niya, “Nanghinaot kami na kaning mga materyales makatabang kanila ug dili sila mawal-an og paglaum bisan paman nahitabo ang maong sunog. Sabay ninyo si Mayor Relampagos, bangon kita Panaboans!”

Nahitabo ang pagpanghatag sa maong materyales adtong Oktubre 15, 2021. Kauban sa pag turn-over sila Hon. Lucia Ebin, Maricis Marmohada nga taga BAEP.

| Ivory Dawn Balogbog, CIO-PIRO