Gibutyag ni Rizal Elementary School Principal Ramelyn F.Antalan sa RaJOE Serbisyo Program sa 94.3FM ang pagpadayon nga implementasyon sa Birth Certificate mo, Sagot ko Program alang sa ilang mga estudyante nga walay mga birth certificate. Nabuhat nila kini pinaagi sa ilang pakig-alayon sa City Civil Registrar’s Office (CCRO).

Sa inisyatibo ni Antalan, namugna ang maong programa tungod nakita niya nga usa ka rekisito sa pag-enroll ang birth certificate, pinaagi sa DepEd Order No. 3 series of 2018 o Basic Education Enrollment Policy, nga dili mahatag sa pipila ka mga mo-enroll kay wala sila niini.

“Kinahanglan tabangan nato ang mga bata ilabi na katong nagasugod pag skwela, kinder up to grade six (6),” matod pa ni Antalan. “Nagpasurvey napud ko og pila sa mga bata sa Rizal (Elementary School) ang walay birth certificate.”

Ang programa adunay package fee nga P350.00 alang sa pagprocess ug maghulat nalang ang ginikanan sa pagrelease sa birth certificate sa CCRO. Dili na usab gikinahalangnan na moadto ang mga ginikanan sa opisina sa Philippine Statistics Authority (PSA) tungod ang mga personahe na sa Rizal Elementary School ang bahala nga magprocess pinaagi sa CCRO o adunay higayon nga ang ginikanan na ang moderetso sa CCRO sa New City Hall, Barangay JP Laurel.

Nagpasalamat usab si Antalan kay City Mayor Jose E. Relampagos sa padayong pagsupporta sa Birth Certifiate Mo, Sagot ko Program.”

Sa dugang detalye, mamahimong motan-aw sa live streaming sa RaJOE Serbisyo sa https://www.facebook.com/panabocityofficial/videos/1095955314263529

Ang RaJOE Serbisyo Program sa 94.3 Dream FM ginapahitabo kada lunes hantod biyerness, 8:00 sa buntag kauban ang City Information Office sa Panabo.

|Ivory Dawn Balogbog