Sa datos gikan sa Panabo City Health Office, nanguna ang pangidaron nga 21 hantod 30 anyos sa mga nagpositibo sa 2019 Coronavirus Disease sa Panabo City gikan sa bulan sa Mayo ug Hunyo. Sunod kanila ang mga pangidaron nga 31-40 anyos ug 41-50 anyos.

Natala usab sa CHO COVID-19 Surveillance Team nga 66% sa mga nagpositibo sa nilabay nga mga bulan puros natakdan sulod sa trabahoan o “workplace” kumpara sa 34% nga sulod sa panimalay. Kasagaran usab kanila gikan sa mga pribadong kompanya.

“Naay uban dili mo sulti sa tinuod nga naa silay ginabati, dihaa na sila mo sulti nga naa na silay natakdan. Naa sad uban dili mo sulti sa ilahang travel history, dihaa na sila mag declare nga naa nay nag inform samoa”, sumala pa ni Roviglo Amor C.Pantua, Surveillance Team Leader.

Sa karon, anaa na sa 235 ang active cases sa nag positibo sa COVID-19 sa siyudad. Nagpadayon gihapon ang CHO Monitoring Team sa contact tracing sa mga nakasalamuha sa mga nagpositibo nga pasyente.

| M. Gentiles