Kursonada ka ba mo alaga og kahayopan pang panginabuhi?
Ang City Agriculture Office nga gipangunahan ni Samuel N.Anay nagpahigayon og Animal Dispersal o paghatag og baboy, rabbit, pato, karnero, kanding, ug uban pa para sa mga katawhan na kursonada mo alaga og livestock. Libre lang kini apan adunay kondisyon nga gihatag.
“Gitanyag ni nga programa para masmapadaghan ang mga binuhing hayop ug adunay kabisihan ug pagkakitaan ang mga katawhan biskan paman kita ania gasagubang sa pandemiya sa COVID-19,” Matod pa ni Agriculturist I Analyn Aparece sa Livestock Section. Apan gihimong kondisyon nila nga kung maka anak na ilang livestock, ang usa ka babaeng anak ihatag balik sa CAGRO. “Kung kamo mo hulam og alagang hayop, ang pamaagi sa pagbayad mao ang pag-uli sa isa ka anak niini ug mas ginapili namo na babae ang e-uli para mapadaghan pa namo kini ug madispers pa sa uban.”
Ang mga alagang hayop nahimotang sa Demo Farm sa Agricultural Training Institute (ATI) Regional Office nga naa sa Barangay Datu Abdul.
Para pag-avail sad sa ilang Artifical Insemination, kontaka lang si Ignacio Paman sa numero nga 09096296111 o mamahimong mo bisita sa City Agriculture Office, 2nd Floor, New City Hall, Panabo City, Davao Del Norte.
| Mel Hilario CIO-PIRO
