Hulyo 7, 2020, nakita ang usa ka Tarsier sa Daniel Earl Lansan’s Farm sa Sitio Mamaripang, Paquibato District og gi turn-over kini kinaugmaan sa DENR Panabo ni Mark Leisar Magnalia nga taga Barangay A.O Floriendo.
Sumala pa ni Jabes E. Pido, Forrest Technician II sa DENR-Panabo, ilang gidala dayon sa City Veterinary Section ang Tarsier aron ma suta kung anaa ba kini sa maayong kondisyon. Nakita ni City Veterinarian Dr. John Rey Bautista nga anaa ang Tarsier sa maayong kondisyon apan kinahanglan nang e-uli sa iyahang natural habitat o sa iyang tinu-od nga puluy-anan subay sa Republic Act 9147 o AN ACT PROVIDING FOR THE CONSERVATION AND PROTECTION OF WILDLIFE RESOURCES AND THEIR HABITATS.
Sa kasamtangan, anaa ang Tarsier sa Regional Wildlife Rescue Center sa Tagum City. “Kung naay makita na Wildlife kung pwede lang dili kini hilabtan pero og makita nila nga anaa kini samad o kinahanglan dal-on sa Veterinary Clinic, pwede mo adto sa DENR aron ato silang maprotektahan,” pahimangno ni Pido.
Dugang ni Pido nga aduna pay mga kalasangan sa Davao Del Norte nga posibleng ginapuy-an og tarsier.
|Gen Alforque/PIRO – CIO
📸| – DENR PANABO
