Dugang kaalam alang sa mga barangay Violence Against Women and Children o VAWC officers ang Orientation Against Human Trafficking and Child Labor nga gipahigayon sa City Social Welfare and Development Office adtong Agosto 18, 2020 sa ABC Hall, Panabo City.

Usa sa mga speaker gikan sa PNP Panabo si PAT Roland Ceasar A. Panes nga iyang gi saysay ang tulo ka elemento aron ma konsidera nga sulod sa R.A 9208 o “Anti-Trafficking in Persons Act of 2003”,sama sa ACTS o ang aksyon nga gi buhat ang MEANS o ang pamaagi ug ang PURPOSE.

Tuig 2017 hantod sa kasamtangan, adunay duha ka kaso sa Panabo ang natala og nagpahinumdom si Pat Panes nga non bailable ang kaso sa human trafficking ilabi na og ang biktima mga kabatan-onan. Gawas sa makulong ang mga suspek, maka multa pa sila og P500,000.00 pataas.

Mga reklamo sa abuso o pagmaltrato sa sulod sa babaye ug bata mamahimong mo adto sa mga VAWC officer sa Barangay o sa Women and Children Protection Desk sa Police Station aron formal kini na ma imbestigahan. “Sa mga naka experience og human trafficking ayaw mo pagpakahilom kay mas daghan pa ang mabiktima niini og dili mo mag report. Maskin dugay na, e report jud,magtinabangay ta aron ma eliminate nato ang maong kaso sa siyudad.” dungag pa ni PAT Panes.

Gen Alforque- CIO/PIRO