Agusto 28, 2020, gisaulog ang Second Founding Anniversary sa St. Joseph Bahay Pag-Asa pinaagi sa postermaking contest, book reading session, community singing, ug mga parlor games.
Ang St. Joseph Bahay Pag-asa ilalom sa pangalagad sa City Social Welfare and Development Office gimugna adtong August 30, 2018. Tumong niini nga mahimong pasilungan sa mga minor de edad nga bata nga naglambigit sa dili maayong binuhatan o ginatawag nga Children in conflict with the Law o CICL.
Matod pa ni Social Welfare Officer II/Center Head Samuel Marlixandro P. Eblamo, “Ang mga bata nga custody sa shelter mao ang mga minor de edad nga naay ginaatobang nga kaso sa Hall of Justice.” Ang mga bata ginahatagan og mga programang pang spiritual ug physical. “While ongoing ang ilang mga cases, nag provide ta sa ilag temporary shelter ug mo undergo silag rehabilitation process para maimprove ang ilang attitude”
Ang maong pagsaulog gisalmotan ni City Mayor Jose E. Relampagos, CSWDO Department Head Chariena Joy G. Lacuin, ug 1103 CDC Director Davao De Oro Major Gerald John Saldo.
| Mel Hilario CIO-PIRO
