Tungod sa hulga sa COVID-19, nakita ni City Mayor Jose E.Relampagos ang kalisod sa pag-apply og scholarship sa mga estudyante labi na nga dool na ang enrolment dates sa mga kolehiyo ug unibersidad. Usa ka resolusyon ang gimugna sa Scholarship Board aron matubag ang problema sa pag apply.

Una, giwala na ang scholarship examination. Ikaduha, giwala na ang requirement nga Good Moral Certification. Ug ang ikatulo kay ang interview pinaagi na sa tawag sa cellphone o telepono imbis nga personal.

Mahimo nang basehan sa pagkuha sa kwalipikadong scholars kay ang Parents’ Income (Kita sa Ginikanan) 30%, Interview 30%, ug ang Grades (Grado) 40%.

Ang bago nga pamaagi sa pag apply og scholarship ma implementa lamang pinaagi sa pag-usab sa ordinansa nga gihangyo pa ni Mayor Relampagos sa 8th City Council sugod adtong Hunyo 26,2020.

Alang sa dugang balita bahin niini, sunda lang ang City Government of Panabo social media accounts.

| cio